٢٨ مايو ٢٠١١

ملاحظات مبدئية عن جمعة 27 مايو

*تحديث: مقال يسري فودة عن مداخلة اللواء ممدوح شاهين على أون تي في:
**


شوية انطباعات سريعة عن الميدان امبارح والأحداث اللي حواليه



1) مبدئيا كده اللواء ممدوح شاهين لازم يرحمنا بقى من زعيقه كل شوية على الفضائيات ولازم حد يفهمه انه لو كان فاكر انه بكلامه بيفيد المجلس العسكري يبقى غلطان. ده بيقوّم الناس عليهم أكتر. لما يطلع امبارح يزعّق لأون تي في عشان كاتبين في شريط الأخبار "مظاهرات حاشدة" يبقى بصراحة كده عيب1 أمال حضرتك يا سيادة اللواء إمتى بتعتبرها حاشدة؟



2) لما أون تي في يستجيبوا فعلا للزعيق ويشيلوا كلمة "حاشدة" من شريط الأخبار يبقى ما يتقالُهمش غير كلمة واحدة: -----!
تحديث: أرسل لي أحد الأصدقاء العاملين بالقناة هذا التفسير:
الصوره دي توريكي الفرق بين تغيير شريحة وتغيير كلمة
http://twitpic.com/53brnv
على فكرة تعديل مليونية جديدة بـ مظاهرة خاشدة كان لأن المراسل أكد ان العدد موصلش مليون مش بمداخلات من حد

والصورة دي توريكي ان كلمة حاشدة اللي معمول عليها القلبان ده كانت موجودة في وصف المظاهرة بعد مكالمة شاهين أصلاً
http://img64.imageshack.us/img64/9340/snap00013t.jpg




3) مظاهرات امبارح كانت لا تقل في العدد إطلاقا عن المليونيات اللي كانت بتبقى وسط الأسبوع أيام الاعتصام من بعد 25 يناير. بل وكان العدد أكبر من يوم 25 يناير نفسه اللي احنا كلنا معترفين انه كان انظلاق الثورة. والعدد اللي نزل ده نزل بالرغم من كل التهديدات والتلميحات بهجوم البلطجية وغياب الحماية والتخوين المباشر والفج من قبل الإخوان المسلمين. يعني العدد كان ممكن يبقى أكبر من كده كمان لو ما كانتش حملة الترويع والشائعات والتخوين شغالة بقالها 3 أيام. ده غير طبعا ان معظم الشباب بيمتحنوا :))


4) عيب قوي لما حزب المصريين الأحرار يكون عنده اجتماع يوم الخميس. يقول فيه لأعضاء الحزب بالحرف الواحد: إحنا مش نازلين. يعني الحزب مش مشارك. وده نقلا عن أحد أعضاء الحزب اللي مش حاقدر أذكر إسمه. وبعدين يطلع ساويرس يقول : لأ ده أنا اللي مش نازل ومش شايف سبب للنزول والحزب يعمل اللي هو عايزه. وبعدين تاني يوم في الميدان تلاقيهم عاملين منصة مع بقية الأحزاب الليبراليه بأحدث المعدات الصوتية وفي أول الميدان. طيب اذا كان الحزب كان ناوي يشارك بفاعلية قوي كده ما قالش للأعضاء بتوعه كده ليه في الاجتماع؟ بل وضللهم وقال لهم إحنا مش نازلين




5) الأجواء في الميدان كانت أكثر من رائعة (بخلاف هتاف: الإخوان فين الميدان أهه. كان بيضايقني لإنه بيحسسني ان احنا كإننا جايين نردح! واحنا المفروض دلوقتي نكون بنجمّع مش بنفرّق. اللي يغلط ياخد على دماغه ماشي. بس مش بالردح




6) الناس نزلت بالرغم من إن القوى "الثورية" ما كانتش متفقة على كل المطالب وده شيء إيجابي في رأيي. لإننا حتى لو مختلفين قدرنا نلاقي أرضية مشتركة مبدئية ومن غير خناق. وكمان لإن ده معناه ان الناس مش راضية .. وده معناه ان الناس فاهمة إنه بيتم الالتفاف حول أهداف الثورة. وطالما الناس فاهمة يبقى ما بيتضحكش عليها حتى لما يكون الإعلام والفلوس والضغط في إيد اللي بيلتفوا حول المطالب.




7) أرفع القبعة للشباب على حماية الميدان من الخارج ومن الداخل. أنا مثلا وانا داخلة في الزحام واحد حاول يستهبل ولسه بالف وباشتمه (كان بِعِد شوية لورا لإنه اتخض لما شتمته بصوت عالي) لقيت شاب جنبي بيقول لي "هو مين!!؟ فينه!؟ فينه؟" وأول ما شاورتله عليه راح مصفر لقيت شباب تانيين جايين من كل ناحية ونزلوا فيه ضرب لما عدموه العافية. الصراحة الراجل صعب علي بس يستاهل!


8) الراجل ده زي العسل :) اتكلمنا معاه كتير بس ما عرفش أصور غير الحته دي


http://www.facebook.com/video/video.php?v=10150276225453033




9) حلقة بلال فضل كانت أكثر من رائعة. قال كل اللي كان نفسنا نقوله. اللي ما شافش الحلقة يشوفها هنا


http://www.youtube.com/watch?v=2vYdKBvgvMs



_________


**تصوير عمرو عبد العليم

هناك ٨ تعليقات:

TAFATEFO يقول...

طب مش كنتي تدققي الأول وخصوصاً انك عارفه الناس دي كويس
الصورة اللي تم نشرها مغالطة ولو شفتي كويس هتلاقي ان الشريحة اتغيرت كلها وده ملوش علاقة بكلام الهياص شاهين (ليه علاقة بأكثر من سبع ساعات بث مباشر لازم تتعير فيهم الشريحة ميت مرة بالعقل أصلاً) ... طبعاً كان اللبس ده مش هيحصل لو مكانتش اتغيرت لكن محدش توفع التصيد ده وده تصيد وانتي عارفه كويس ان في مليون واحد بيتصيدولها

الصوره دي توريكي الفرق بين تغيير شريحة وتغيير كلمة
http://twitpic.com/53brnv
على فكرة تعديل مليونية جديدة بـ مظاهرة خاشدة كان لأن المراسل أكد ان العدد موصلش مليون مش بمداخلات من حد

والصورة دي توريكي ان كلمة حاشدة اللي معمول عليها القلبان ده كانت موجودة في وصف المظاهرة بعد مكالمة شاهين أصلاً
http://img64.imageshack.us/img64/9340/snap00013t.jpg

حطي ردي أنا كمان بقى علشان اسفوخس دي شكلها وحش أوي منك خصوصاً

وانتي عارفه انهم مش أول مرة يواجهوا المجلس العسكري .. ومش هتبقى آخر مرة

سامية جاهين يقول...

بص يا مصطفى أنا قعدت بعد مكالمة شاهين ييجي ساعة باصة على الشاشة مستنية الخبر يطلع ما طلعش. وبعدين جه برنامج "مصر في أسبوع" قام المذيع الغبي يقول بالحرف الواحد "الأعداد كانت قليلة وطبعا لم تصل للأعداد المظاهرات اللي تلت 25 يناير.
وأرجوك تكون عارف ان انا لما أزعل من موقف القناة ده مش معناه اني زعلانة من اللي بيشتغلوا فيها لإني عارفة ومتأكده انها مش ممكن طول الوقت تكون بتمثل آراءهم. بمعنى آخر - مال تاخدهاش على نفسك. ع العموم يا سيدي أنا ما يرضينيش زعلك وحاكتب التوضيح بتاعك في النقطة دي.

TAFATEFO يقول...

وانتي عارفة كمان اني مع انتقاد موقف المذيعين والضيف والمذيع اللي بعدهم .. واني اتتريقت على الثلاثة لأنهم اتخضوا فعلاً
لكن اللي متأكد منه ان المذيه لو اتخض القناة مش هتتخض واللي اتأكدت منه ان ده ملوش أي علاقة .. واني بشغل الجاعورة وقت ما بيغلطوا قبل أي حد
بس المرة دي ده تصيد

على فكرة .. قبل شاهين قا\د الجيش الثالث الميداني كان داخل متعفرت برضه على كلام مراسل السويس وده بقى أفشخ من شاهين ميت مرة

العتب والانتقاد والشتيمة كمان هو اللي وظيفتي في أون عايزاه ... وكلامي ده مش يصفتي في أون .. ده علشان أنا بحبهم وأتاحت لي الظروف اني أعرف وارد

اللي عامل الصورة حتى علم على كلمة حاشدة بشكل أراه مغرض .. مع ان الشريحة كاملة متغيرة وكان يفدر يقول غيروا الشريحة علشان خاطره بس ده كان ممكن يحصل في ثانية مش بعد 3 دقائق ومكانوش استخدموا نفس اللفظ بعد كده .. ولا ايه؟

غير معرف يقول...

so it sort of runs in the family ... supporting the wrong thing then falling into depression, probably write few zozo style "art" & then die


It clearly runs in the family, both the talent & the lack of proper judgement

سامية جاهين يقول...

How rude! and of course you don't have the guts to write your name. For your information Salah Jaheen never gave up on his beliefs and never claimed he was wrong to support them. And his depression wasn't related to 67. He's been sick with the hereditary disease since he was a teenager. And ZOZO is one of the best movies in Arab history. And trust me if I live and die like my father I'll be very proud!

7awadeet يقول...

To the "gher ma3roof" person: its seems that you'r the one who lacks the proper judgment and not just that..you also lack civilized manners and above all.. knowledge! if u disagree with whats written you can simply express it by argument in a civilized manner..mentioning the great Salah Jaheen her late father in such way is degrading to nobody but yourself!..and most probably thats the reason why you kept yourself self nameless

Unknown يقول...

To Mr. Anonymous, I really do not understand anything from your comment, what judgement are you talking about? Seriously did you read a single word of the above post? I don't thinks so :s

غير معرف يقول...

hhhhhh, enty 3andek 7a2 lamma olty 3ala el chants bta3et el-e7'wan fein ..ElMasreyeen ahom enha sharsha7a & i really felt that way 2.it was terrible but i think it was just and fair la2enohom aslan etahamo el nas elly "hatenzel" unjustly enohom seculars -as if it was a curse!-, w koffar w kaman folool , so i guess it was a well behaved chant against MB as a response 2 their terrible accusations .. but it was a fantastic day after all even with that kind of chants...that's my impression about the demo :)