25 مايو 2011

مدونة جديدة - سامية ويارا

من 25 يناير وطالع أكتب حاجة ومن قبل ما ارفعها ألاقي يارا قاسم راسمها. أو يارا ترسم رسمة ألاقي نفسي عايزة اكتب وانا بقالي كتير باعافر وخايفة اكتب. يارا قاسم فنانة جميلة وإنسانة أجمل .. عينيها كلها أمل وضحكتها تشرح القلب وفيها طفولة حتلاقيها عند أي فنان حقيقي وخصوصا لو كان رسام كاريكاتير. يارا من أول الثورة رسمت أكتر من 400 صورة وناس كتير كانت بتاخد صورها تعملها صورة للبروفايل على الفيس بوك. الغريبة ان مافيش ولا جريدة طلبت من يارا انها ترسم بانتظام فيها. الله يرحم الزمن اللي كانت فيه مصر بتعرف تحتضن أولادها وتشجعهم.

أنا ويارا قررنا نوحد القوات ونعمل مدونة مع بعض. سامية ويارا بالكلمة والصورة. مش قادرة اوصفلكم انا قد إيه سعيدة باللعبة دي :) أشكر الثورة انها عرفتني عليكي يا يارا.

هناك 3 تعليقات:

غير معرف يقول...

مبروك لكم انتم الاتنين "سامية و يارا" و بالنجاح و التوفيق الدائم ان شاء الله....رانيا البنا

وجع البنفسج يقول...

الف مبارك المدونة الجديدة وان شاء الله من المتابعين ..

سعيدة بتعرفي على مدونتك ، دمت بكل خير .

غير معرف يقول...

الف مبروك لكم يا سامية ويا يارا وجميل اننا نشوف ثنائي يظهر مرة تانية مثل مصطفى حسين واحمد رجب ربنا يوفقكم واكيد ان شاء الله هاتابع اعمالكم.... جيهان