30 مايو 2011

يعني إيه!؟ يعني إيه!؟ - استدعاء ريم وحسام للتحقيق

واضح ان انا لازم أعمل باب أسبوعي على المدونة بعنوان "يعني إيه؟!" من كتر ما بيحصل حاجات ليها العجب في بلدنا دلوقتي! وآخرها استدعاء ريم ماجد (بلدنا بالمصري) والناشط والمدون حسام الحملاوي للتحقيق من قِبل القضاء العسكرية بسبب الحلقة دي.


سلملي على حرية الرأي والإعلام الحر! أي حد ينتقد انتهاكات الجيش - اللي مش بس ليها شهود عيان بالمئات لأ كمان متصورة فيديو - يتم التحقيق معاه على طول. ليه؟ هو احنا عايشين في أنهي زمن؟ هو احنا عملنا ثورة ولا مكرونة باشاميل؟


هنا دعوة للتضامن مع حسام وريم والاعتراض على الاستدعاء من أساسه. ارجوكم المشاركة وإلا نبقى نستاهل اللي يجرالنا بعد كده.

هناك تعليقان (2):

sa6560 يقول...

كأنن مبارك لسه بيحكم ....مفيش حاجه إتغيرت ....الوجوه ؟ يمكن...!لكن أسلوب أمن الدوله لسه بيتعمل للأسف

علي هشام يقول...

هي فعلا مكرونة بالبشاميل مش ثورة .. وكمان " شكلها " كده هايطلع طعمها وحش قوي ومااسخة