12 أغسطس 2006

لازم تعيش المقاومة

لازم تعيش المقاومة. من 16 إلى 18 أغسطس 2006 - الساعة 9 مساء بمسرح الهناجر.لازم تعيش المقاومة. من 16 إلى 18 أغسطس 2006 - الساعة 9 مساء بمسرح الهناجر. أمسية شعرية غنائية من أشعار فؤاد حداد ومتولي عبد اللطيف. أداء: محمود حميدة - عمرو عبد العليم - سامية جاهين - أحمد حداد - آية حميدة. إعداد: أمين حداد. إخراج: رشدي الشامي. الأغاني من ألحان: سيد مكاوي وحازم شاهين

هناك 23 تعليقًا:

بعدك على بالى يقول...

الى ساميه ابنه اروع واجمل شاعر فى الكون .. اللى شكل وجدانا..


حقا لازم تعيش المقاومة..ويعيش فؤاد حدا وصلاح جاهين وكل الشعراء اللى عرفونا معنى الوطن و...
تحياتى لك
وسعيدة بزيارتك

Lasto-adri *Blue* يقول...

ح شوف لو نافع انى آجى .. مع انى ما أظنيش
كل الحفلات بتكون فى وسط البلد وكمان تبدأ على 9
انا ميعاد رجوعى البيت 9 اساسا
:S

عموما.. انا رايحة بتاع ارض المعارض دة ان شاء الله يوم الأربع
ع الأقل مش وسط البلد.. ومش الساعة 9

;)

إن شاء الله بس اتخرج وربنا يفرجها

Kholoud-Beirut يقول...

Samia, congratulations and i am sure it will be a great one. It's important to achieve a piece of art as a tribute for the resistance. Please know that my heart will be with you during the performance on wednesday, thursday, and friday at 9pm since i'm not in Egypt to watch it. xx

Kholoud-Beirut يقول...

By the way, how much is the duration of the performance, i want to know till what time i should be thinking of it ;-)

سامية يقول...

بعدك على بالي
أشكرك على الكلام الجميل ده .. إدعيلنا بس نكون قد المسئولية

يا بنت يا بلو! لازم تيجي! العرض مدته 50 دقيقة بس.. يعني مش حتتأخري وبعدين ليه تيجي لوحدك ما تجيبي أهلك معاكي عشان تتأخري براحتك؟
:)

يا خلود يا نور عيني.. إنت حتكوني بتقولي معانا في العرض.. عشان انا ح اكون بفكر فيكي وفي بيتكم اللي في الجنوب وفي السوق وفي جارتك اللي حكيتيلي عنها.. فأكيد حتكوني معاي في كل كلمة باقولها. عايزاكي تركزي كويس قوي من الساعة 9 للساعة 10

3rby يقول...

اولا: شكرا علي التعليقات الجميلة
اللي بتكتبيها في البلوج بتاعي وبتاع اخويا كمان"نصر مصر" ثانيا شكرا علي رسالتك الفنية لان الفن ده هو الشيء الوحيد اللي بيعبر عن كل مشاعر البشر
ثالثا:لو كنت بنت الفنان العظيم صلاح جاهين شكرا ليكي ولوالدك علي الشعر الجميل

Sherif Nagib يقول...

سامية لدي استفسار بعد إذنك ، هل ستكون الثلاثة أيام مكررة.. يعني بنفس المحتوى و نفس المؤديين ؟ أم ستكون مكملة لبعض فيكون محمود حميدة في اليوم الأول و مايجيش ثاني يوم مثلاً ؟
الموضوع يهمني لأنه قد يصعب علي الحضور يوم الأربعاء .. اللي هو النهاردة أصلاً لأن الساعة دلوقتي داخلة على 4 الفجر ! ده غير إني أظن أن أول يوم بيكون مزدحم جداً و الأيام التالية أروق (بس الأربعاء برضو ميزة عن الخميس و الجمعة).
أنا حاصحى 9 الصبح عشان ورايا يوم عمل مزدحم و حابص عالبلوج كل شوية في انتظار الرد.

سؤال أخر ، من واقع خبرتك في الموضوع الواحد يكون هناك قبلها بقد إيه عشان يعرف يركن و يحجز تذاكر و يقعد براحته ؟

سامية يقول...

هاهاها! إنت كوميدي قوي يا شريف! واضح ان الساعة كانت اربعة الصبح فعلا
:))))

بص يا سيدي.. الثلاثة عروض زي بعض بالضبط . أنا لغاية امبارح كنت فاهمة إن الدعوة عامة وفي الحالة دي لازم تيجي بدري عشان تلاقي مكان كويس تقعد فيه. لكن اللي فهمته النهاردة من محمود حميدة هو إن المسرح عايزين يعملوا الدخول بتذكرة (ولو أقل سعر للتذكرة) منعا للزحمة زيادة عن اللزوم والناس تكون واقفة وكده

أنا لو منك آجي قبل العرض بحوالي نص ساعة عشان أضمن التذكة والمكان وكده. من خبرتي السابقة مع حميدة بالذات إنه دايما بيصر ان الستارة تتفتح في معادها

يا عربي منوّرني. أنا ما كنتش أعرف إن "نصر مصر" أخوك! ويا سيدي ما تشكرنيش انا على بابا.. هو اللي جابني مش انا اللي جيبته! هيههيهي.. أنا ما كانش لي أي دخل في شعر بابا.. رغم إنه كان دايما كان بياخد رأيي اللغوي والنحوي (وانا عندي خمس سنين) في كل قصيدة بيكتبها! هيهيههي

(أنا باهزر طبعا لحسن حد ييجي يفتح علي مترليوز دلوقت)

Sherif Nagib يقول...

نظر لي و قال بابتسامة صادقة : أسف.. كومبليه.. بس فيه بكرة و يوم الجمعة إن شاء الله !

و أنا جاي كلمت واحد صاحبنا قلت له يحجز لي معاه خوفاً من التأخير فقال لي الدعوة عامة.. الندل هو عارف نفسه :)

من قلة النوم أصلاً و أنا جاي على كوبري مايو حصلت لي حاجة غريب لأو مرة..العالم كله تحول لسواد مظلم أثناء القيادة و شايف أنوار السيارات فقط ماشية و عايمة وسط السواد.. كان فعلاً منظر مخيف و حسيت إني باحلم و بطأت جداً و الناس بقت تكلكس لي و تلف من حوالين العربية.. قعدت أقول حاعمل إيه.. أطلع راسي من الشباك و أصرخ " أنا إتعميـــــــــت! ".

بصراحة حسيت إني واخد عين في الأمسية :) الموضوع كان غريب بس الحمد لله عدت على خير. و الواحد مش حايسهر تاني كده مادام فيه صحيان بدري تاني يوم.

ياريت تحكي لنا الدنيا كانت عاملة إيه النهاردة و حابقى أجي يوم الجمعة إن شاء الله.

تحياتي.

UmmEl3yal يقول...

عمل جميل وراقي بالتأكيد :) موفقين ان شاء الله وعقبال ما توصل أعمالكم للمناطق النائية مثل الكويت :)) تحياتي لكل أسرة الامسية ومبروك نجاح عرض اليوم الأول

Nerro يقول...

العرض كان حلو قوي...قوي جدا يا سامية بصراحة.

سامية يقول...

يا شرييييييييييييف! أنا عرفت مين اللي ضلّلك وخدت بثارك! :) بس هو معذور برضه لإن احنا عادة بنعمل الأمسيات الدعوة عامة. المرة دي إدارة المسرح ومحمود حميدة قرروا في آخر لحظة يعملوه بتذاكر واحنا نفسنا ما عرفناش غير يومها الصبح.
بس انا كنت فاكراك حتلحق تشوف تعليقي السابق ع البلوج قبل العرض. يالله معلش ..تتعوض.

ويمكن كمان حظك يبقى أحسن من الناس اللي جم إمبارح عشان كان فيه مشاكل في الصوت في أول العرض والناس اللي كانوا قاعدين ورا ما كانوش سامعين كويس. وعادة أول يوم لازم يحصل فيه حاجة كده :) أنا شخصيا استمتعت جدا بالعرض مع إني كنت مرعوبة! بس الحمد لله طلع أحسن من البروفات وان شاء الله النهارده وبكرة أحسن كمان

لو جيت بكرة بقى حاول تيجي بدري عشان تعرف تقعد في مكان كويس وإوعى تمشي من غير ما نشوفك!

نيرو وام العيال:
شكرا يا جماعة. أنا اتبسطت جدا انكم جيتوا وان احنا كنا عند حسن ظنكم

Sherif Nagib يقول...

la2 ana le7e2t a2ra el ta3leeq we kont 3amel 7esaby agy badry wallahy.. bas el zoroof ba2a :) . 7agy el gom3a akeed ensha2allah.

sorry mafeesh text araby fe el shoghl

Ghada يقول...

كنتي جميلة قوي يا سمسمة :)))
وتلقائية وحاسة بالكلام.. ولما كنتِ بتحكي عن الفرس "الأسمر غطيس" عينيا كانت مفتوحة على وسعها.. حسستيني إني بنت صغيرة.. حكيك مدهش يا أروبة:))

وكمان عرفت عمرو من الصورة اللي إنت كنت حاطاها زمان.. وأول مرة اسمع حازم شاهين.. أكتر من رائع ويا ريت لو ليه حفلة قريب تقولي لي..

كلكم كنتم جمال والولد الصغيور اللي طلع رقص ده كان عسل قوي :))
مفيش غبار طبعا على آداء محمود حميدة..

وعلى فكرة مع إني كنت قاعدة ورا نسبيا إلا إني ماحستش بأزمة الصوت.. يعني الموضوع كان متأمن لحد الصف اللي كنت قاعدة فيه :)

سامية يقول...

إنت جيتي! طب يا شيخة مش تزمري ولا حاجة. أنا كان نفسي جدا أسلم عليكي!

شوفتي حازم وجماله؟ أنا مبهورة فعلا بالمجهود اللي عمله في الألحان.. بس للأسف موضوع الصوت ده كان عامله مشكلة فأثر على أداءه شوية، بس برضه المسألة ما نزلتش يعني الحمد لله. ع العموم يا رب المسائل دي تبقى أحسن النهاردة

مرسي جدا يا غادة والله. أنا سعيدة ان "الحكاية" عجبتك لإنها برضه كانت من الحتت اللي كنت خايفة منها وحاسة اني مش قدها..

الحقيقة كمان المجهود اللي عمله معانا رشدي الشامي (المخرج الخفي) وحماسه الدائم رغم كل المشاكل كان من أهم الحاجات اللي طلعت الموضوع كويس

Ghada يقول...

وأنا كمان كان نفسي أسلم عليكي قوي، بس إنت عارفة الشبشب بيترفع بدري! أول مالعرض خلص، مشيت جري ي ي ي

تتعوض إن شاء الله.. الحكاية طبعا عجبتني.. كنت قاعدة منشكحة جدا ! :)

Pianist يقول...

كنت عايز اجي بس كنت قبلها في القاهرة في حفلة فيروز كراوية وماكنش ممكن اخد اجازة تانية عشان احضر الامسية بس اكيد كانت حلوة
سألت عليكي يوم حفلة فيروز علي فكرة قالولي انك عندك بروفات
:)
علي العموم حبيت اهنيكي علي الامسية وكل اللي شاركوا فيها

مـهـا يقول...

جميل جداً يا سامية.. بجد انا مبسوطه قوي، إختيار الأشعار و الأداءو الألحان و الإخراج، الإخراج كان هايل، خلي خشبة المسرح فيهادراما بتخدم علي دراما الشعر اللي كنتوا بتقولوه

بجد كنتوا جمال جداً.. لازم تعرضوا تاني مش كفاية 3 ايام أبداً، خسارة الشغل الجميل ده مش كل الناس تشوفه

قصيدة الختام..قصيدة الختام..قصيدة الختام

المزاجنجي يقول...

سامية الجميلة اسمحي لي ارفع التكليف لاني حاسس ان انت بنت عمي بنت خالي حاجة كده قريبة مني بس انا عاوز اتكلم معاكي عن العرض اللذيذ اللي حضرته لكم يوم الاربع اولا محمود حميدة راجل مالوش حل وانا باحبه جدا وكنت حضرت له امسية واعتقد ان انا قلت له الكلام ده قدامك بعد العرض لكن هو تلقائي وحلو جدا انت كنت مميزة قوي وانت بتحركي ايديك مع الوصف بتاع فردوس وصدقيني شفتها وشفت الحربة اللي جرحت الشاطر حسن وكمان اسلوب العرض كان لذيذ وبسيط جدا ولفت نظري ان كلكم حافيين وبعدين مش هاتكلم عن واحد واحد لان ده عاوز له مدونة كاملة لكن الكل اجاد اما بقى حازم شاهين وانا التقيت بيه برضه بعد العرض وهنيته فاثناء اداءه فكرني بالشيخ امام ولا الفرقة كلها بصراحة كانت روعة بس عيب قوي بقى موضوع التاخير انتم اتاخرتم 10دقايق والكورال كان متناسق وطبعا عرض حرام يتعرض 3 ايام علما بان فيه مجهود واضح وتدريب مضني المهم انتم احسنتم وارجو تبلغي سلامي الخاص عمار ياسر ابو سيف بلاستيك اللذيذ ده وللاستاذ رشدي الشامي الجندي المجهول ولكل واحد ساهم معاكم فالعمل وبجد كان تحفة بس يا ريت لا تنسينا دايما لو عندك اي خبر ان اي امسية وانا كنت محظوظ وسعيد بمعرفتك وبمعرفة بهاء وربنا يخليكي لينا يا ام اخلاق سامية وتحياتي ومش هاقولك تعالي عندي في مدونتي تاني لاني لسه عامل بوست متواضع عن حداد وجاهين يا ريت اشوف تعليقك بما يرضي الله ههههههههههههه وفي انتظارك وتقبلي تحياتي

سامية يقول...

يا جدعان متخرطوش على قلبي بصل بقى لحسن انا النهارده صاحية حاسة إني زي اليتامى بعد ما خلصنا الأمسية! حاسة ان احنا ما قلناش كفاية!

يا مها: بصي بقى بجد بجد انا باقدر رأيك جدا لإني عارفة إنك عمرك ما بتجاملي أو تبالغي وبجد بجد مبسوطة جدا ان العرض عجبك.
أيوة أنا كمان على بال ما باوصل قصيدة الختام بابقى على رأي المهرة فردوس "كل شعرة في جسمي سيف بتار!" هههي

أستاذ عادل منوّر وسعيدة جدا بتعليقك وبمعرفتك. عشان كده مش حاضحك عليك واقولك اني حاقرا اللي كتبته حالا وأعلق عليه. معلش اعذرني أنا مخطوفة تماما في الأمسية لدرجة اني مش قادرة أقرا أي حاجة غير فؤاد حداد وأخبار المقاومة . لما أخرج من الحالة دي أوعدك حاقرا على رواقة

يا بيانيست: فاتك حتة بيانيست في العرض ده! ههيي

غير معرف يقول...

ارجو ان تكون هناك عروض اخري لاني لم اعلم بهذا العرض
شكرا

sonsoneta يقول...

ارجو ان تكون هناك عروض اخري لاني لم اعلم بهذا العرض
شكرا

غير معرف يقول...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人