جايين لك يا اسكندرية :)
الحفلة يوم الجمعة 2 مارس في تمام الساعة السابعة والنصف بمسرح الجزويت والحاضر يعلم الغايب.
يا رب نبقى عند حسن الظن!
ملحوظة: حصل خطأ في الدعاية والحفلة أعلن عنها بإسم فرقة "كوم الدكة" عشان ما حدّش يتلخبط :) حفلة كوم الدكة دي هي حفلة اسكندريللا.
هناك ١٩ تعليقًا:
موفقين يا سمسم، أنا أكيدة الحفلة رح تكون روعة
بس ما ترجعيش تبعتيلي أغاني الحفلة أحسن ارجع أعيَّط تاني
:-(
بقالى شهرين مرحتش اسكندريه ، بسبب أنشغالى
خسران كتير اكيد
أتمنى يكون معايا وقت وأحضر إن شاء الله
بالتوفيق :)
اخيرا قررتم تيجوا اسكندرية تانى ...انا حضرت اخر حفلة للفرقة فى المركز الثقافى الفرنسى من فترة و كانت روعة بي مكنتيش معاهم يا سامية لا انتى ولا اية ...فحتنورونا فى اسكندرية المرة دى...و انا ان شاء الله حكون من اول الحاضرين
الفرقة اتغيرت شوية من ساعة آخر مرة شفتيها يا رشا. البيانيست اتغير والإيقاع اتغير وانا وآية انضمينا وربنا يستر ومانصغرش رقبتهم! :) للأسف المرة دي مش حيكون معانا شادي مؤنس لإنه مسافر.
خلود: لأ انا خلاص حرمت ابعتلك أغاني! :) إلا لو وعدتيني انك تمسكي نفسك كدة! :)
محمد: اهه اسكندرية دي ما يتشبعش منها.. لا هي ولا أهلها! الله يكون في عونك.. شهرين فعلاً كتير
شكراً يا لولو. منوّرة!
قولوا للقلقان مايقلقشي
زي موج البحر كنتم اروع مما كنت ممكن اتخيلكم يا سامية
انا بتابع هنا - مش كتير - بصراحة بس انا ذهلت لما عرفت ان اللي اشجوني واطربوني امبارح انتي واحدة منهم - اولا كنت بسمع كتير عنكم عن (سكندريللا)ــ بس عمري ما شفت لكم عرض
لكن امبارح فاق العرض توقعاتي -
فعلا هزيتونا من جوه اويييييي
اذا كان انتي او حازم او اية
لما غنيوتوا القديم ولما ابدعتوا بالجديد بجد - تاني انا سعيدة وبانقلك سعادة كل اللي كانوا معايا امبارح بيكم بما اني اول واحدة تعلق هنا بعد الحفلة الروعة
اوعوا تحرمونا من وجودكم في اسكندرية دايما
واسمحي لي اعلق على الحفلة في البلوج عندي
سلمى البنا
سلامات سامية .. انا مش حعيط لو سمعت الاغاني
ممكن تبعتيهالي؟؟؟
Pleeeeaaase :)
يبدو الحفل كان اكتر من رائع حسب التعليقات
رائع؟
Minimum :)
الحفلة كانت روعة
و كانت زحمة جدا مكنش فى مكان للناس تقف
انا عن نفسى كنت قاعدة على الارض و على الرغم من ان القعدةمتعبة بس ماكنتش عايزه الحفلة تخلص من كتر ما كنت مستمتعه
حازم كالعادة عزف حلو اوى و اكيد لو كان شادى موجود كان حيكون احلى....بس حازم كان رائع و بجد متواضع و خجول اوى
اما انتى يا سامية و اية كنتم مية مية و خصوصا فى "بنت مصر" واتبسط اوى ان احمد حداد كان موجود
اكيد انتم حسيته اد ايه الجمهور كان مبسوط
بس كان نفسى اسمع انا مش كافر و العربجية، المرة الجاية بقى
لأن لازم تكرروها تانى
مساء الفل
الحفله كانت رائعه
انا مبحبش الحاجات العاقله وانتم مكنتش مجانين
دى اول مرة احب حد مش مجنون ف مزيكته وكلامه
مش لان اغلب الاغانى والالحان اتلعبت قبل كده
لا مش ده السبب انا حتى بحب ال بيتجن وبيروح بفنه لحتت مش اكاديميه
يلعب يعنى لو فهمانى
كان معايا واحد صاحبي اسبانى ومكنش فاهم الكلام خالص
بس كان حاسس بحضور طاغى للفرقه
خصوصا انتى
بتبقى منفعله وبتغنى كأنك بتتكلمى مع الناس
ايه كانت حلوة جدا بس كانت خايفه شويه او هى حضورها بيكون رقيق
واحمد كلامه حى وشبهنا خالى من اى تعبيرات مجانيه او جاهزة
لا بجد
بجد بجد يعنى
حفله حلوة جدا
80والله يا جماعة بجد دي أكتر حفلة أنا استمتعت فيها. حسيت ان احنا قاعدين بنغني وسط صحابنا وقرايبنا :))) والشلة السُكّرة اللي جم قعدوا على الأرض قدامنا دول كانوا جزء لا يتجزأ من العرض! حاجة تفتح النفس على الغنا وعلى الحياة كلها كده على بعضها. بقى انتي بقى كنت منهم يا رشا؟ كان فيه بنوتة قاعدة قدامي لابسة بني ومبتسمة طول الوقت وطلبت "أنا مش كافر" في الآخر. ده انتي؟
Ohbebo:
كلامك فرحني جداً لإن واضح فعلاً
انك جاي من جو مختلف.. (يعني بتحب أنواع مختلفة من المزيكا مش قريبة من اللي احنا بنعمله) فكون انك اتبسطت كده.. يبقى أكيد إنجاز! :) عندك حق بالنسبة لأحمد حداد... كلامه فعلاً حي وشبهنا
:)
يا سلمى: أيوة صح! القلقان ما يقلقشي :) ماتتخيليش بابقى حاسة بإيه واحنا بنقولها.. كإن فؤاد حداد قاعد معانا بيسمعنا ويسمّعنا ويحفظنا ويغني معانا. قريتي البوست الجميلة اللي كتبها عمر عن الغنوة دي؟ وبالنسبة لإسكندرية.. هي بس تشاور كده واحنا نيجي على طول :)) طبعاً مش محتاجة تستأذني، اكتبي اللي انت عايزاه :)
يا أمل: عُلِم وينفذ يا فندم! بس ما تسمعيهمش لخلود :) لغاية ما أجيب تسجيل الحفلة الأخيرة.. حتلاقي "سحور أبو الطيب" موجودة عند عمر في اللينك اللي فوق
واو، الحفلة كانت روعة يعني!!! واع
يا ليتنا كنا معكم يا سمسومة، طب تعوا اعملوها بلبنان!!! شو؟
سامية بجد أرفعلكم القبعة...انا عملت البدع عشان اجي و أصلا انا عرفت عن الحفلة يومها و مع اني كنت هأقابل صحابي أصريت أروح و خدتهم كلهم...و بعد الحفلة زاد حبهم لي...انتي كنتي رائعة باحساسك زي ما تكوني في الفرقة من قبل ما يبدئوا...زوجي بيقولي الجميل في اداء سامية انك تحسي انها واحدة من العيلة كدة مفيش بينا و بينها تكليف..لازم تيجو تاني بجد و كتير كمان و عايزة أطلب منك تبعتيلي الاغاني لو سمحتي ..و عايزاكي توصلي تحياتنا للكل و لاحمد حداد الرائع..
علي فكرة يا سامية انا اللي سلمت عليكي و قلت لكي ان انا صاحبة رحاب;)
rmeky@yahoo.com
لأ مش انا،انا كنت قاعدة ناحية ايمن
بس انا جيت كلمتك بعد الحفلة و قلتلك انى بتابع المدونة بتاعتك و ان الحفلة كانت تحفة وانتى قولتيلى لو كان شادى كمان موجود كانت حتبقى احلى
بس مش عارفة ليه نسيت اقولك اسمى
يمكن لأن كل اللى كان هاممنى اعبر عن استمتاعى بيكم و بس
el 7afla kanet aktar men ra2e3a we a7'er o3'neya elly kan feeha el she3r de kanet gamda awyyyyyyyyyyy.
where can we get ur songs ????
Aya: Unfortunately we haven't recorded any of our originals yet and the recordings from the concerts are very low quality :s
But don't worry, soon insha2allah :)
Soko:
مرسي يا سكّرة :)) لو سمحتي اشكريلي زوجك جداً على تعليقه الجميل ده! فعلاً من أحلى التعليقات اللي سمعتها، لإن انا فعلاً باحب احس واحسس اللي حواليّ اننا "بنقول مع بعض".. أو بمعنى أصح اننا ماحناش أغراب عن بعض.. ومافيش تكليف زي ما هو قال. وباحس ان أي حد يحضر الحفلة بس يبقى كده خلاص بقى واحد من "العيلة والجيرة والعشرة والأهل والخلان" :))
رشا: ولا يهمك، الجايات أكتر ان شاء الله :)
some body was talking about that spanish guy who didn't under stand the words but he loved the songs...well, that guy is looking for a transaltion of the ryba3eyat (الرباعيات) in english ?
do u have any related thing??..i know that it is very hard for any body to translate any master piece of the great jaheen, but i'll be glad if u have any.
thank u samia
Dear Aya,
The Ruba3eyat have been translated by a wonderful poet and writer called Nihad Salem. You can ask for them at Diwan Book shop. Or if you know anybody else working with "Dar Elias"... homma kanu manshureen fe dar Elias.
أنا خميس عز العرب الشاعر و المؤلف السكندرى وصاحب أوبريت "إسكندريللا "الذى قدمته هيئة قصور الثقافة فى عيد الأسكندرية القومى عام 1998.. أصدقائى هم أصدقائكم الذين لم يخبروكم أن إسم العمل الإبداعى جزء منه و يجب استئذان
مؤلفه .. ولكن.. ولأننا فى زمن اللى يلحق
أنا قولت ألحق أقولكم أن قوانين حماية الملكية الفكرية تجرم ما تفعلون ولكننى سكندرى و جدع ولو أننى لم أصبح بعد من التراث فعمرى كله 43 عاماً
ملحوظة : الأوبريت مسجل بإسمى و حضر الحفل محافظ الأسكندرية السابق عبد السلام المحجوب و سلوا فى ذلك أصدقائنا المشتركين
مشدود انا ف الجو بين الطابيه وبيانكى
لما يملانى الهوا.. أزق اسكندريللا ف هيش الملاحات.. واما ارتخى .. بتزقنى على حاجز الأمواج .. وتفتح شطها للشمس و تعسـّل
لو تعرفى أنا قد إيه بعشقك
ما يخشكيش أغراب
خميس عز العرب
عزيزى الفاضل
مرحبا بصديقى العزير
فى الحقيقه انبهرت بمدونتك جدا
واعجبنى تصميمها البسيط
ثانيا من كامل سعادتى ان وافقت على تبادل روابط بينى وبينك
فى المدونات
اختار اى مدونه من المدونات التاليه
شكرا لك يا غالى
موقع الزمالك
موقع اخبار الكورة المصرية,الاوربية,العالمية,الاهلى
موقع تعليم الفوركس للمبتدئين اون لاين
موقع شباب بيك
موقع جوجو الشامل
موقع النادى الاسماعيلى ,اخبار الاسماعيلى
موقع الاهلى المصرى 101
بمنتظرك تعلييق فى المدونه
لك كامل الشكر يا مان
اوك
إرسال تعليق