١٦ فبراير ٢٠٠٧

ريحة الحبايب وأخبار الحبايب

من أخبار الجيرة والعشرة والأهل والخلان:

  • أمين حداد دخل الفضاء التخيلي حيث أنشأ مدونة بعنوان "ريحة الحبايب". بس إوعى تفتكر يا أعز الناس وأقرب الشعراء إلي قلبي إن ده معناه إني ح ابطّل زن عليك إنك تجمع القصائد الجديدة عشان تنشرهالنا في ديوان جديد. هذا لا يمنع إنك نورت علينا البلوجسفير.

  • أخيراً وبعد طول انتظار أصدر حسام فخر مجموعته القصصية الجديدة ’حكايات أمينة‘ - دار ميريت. هذه المجموعة فعلا من أجمل ما قرأت، وكما وصفتها لي رحاب: حاجة كده تغسل الروح. أنصحكم بقراءة هذه المجموعة ’بصوت عالي‘.

  • أخيراً وليس آخراً، صدر -برضه بعد طول انتظار- وبرضه عن دار ميريت (!) ديوان أحمد حداد ’حبة تراب‘. الكتاب يتكون من ديوانين ’عفريت القصيدة‘ و’فضفضة‘. وإليكم أحد قصائد الديوان الثاني كما غنتها الجميلة سلمى صباحي وعزفها شادي مؤنس (فرقة اسكندريللا) في أمسية من أشعار أحمد العام الماضي. الأغنية بعنوان "حاسب" ووضع لها هذا اللحن الجميل أحمد عاصم.

إضغط للاستماع إلى الأغنية مسبوقة بقصيدة "حواديت قديمة" بصوت أحمد حداد وآية حميدة.


هناك ١٩ تعليقًا:

حـدوتـة يقول...

يا ألف نهار أبيض يا ألف نهار أبيض يا ألف نهار مبروك :)

غير معرف يقول...

samia the audio isnt working
can you put it again or with a diffrent software mosh3arfa

محمود عزت يقول...

مبروك :))
إدعولي ديواني اللي في ميريت يطلع بقى !

محمد عبد الغفار يقول...

الف مبروك

سامية جاهين يقول...

الله يبارك فيكم جميعاً. عقبال ديوانك يا محمود! ان شاء الله ما يطولش.

الغنوة فعلاً مش بتشتغل. حيغير اللينك حاضر.

سامية جاهين يقول...

اللينك اشتغل اهه. معلش لو لقيتوه عصلج شوية دوسوا
pause until the song loads and then press play again.

غير معرف يقول...

صوت جميل أوي ... و كلامات رائعة ... الله اهي هي دي الكلامات مش "بوس الواوا"

Ghada يقول...

I tagged you ;)

Amal Ziad Kaawash أمل زياد كعوش يقول...

اخبارك يا سامية من احلى الى احلى

:)

Aladdin يقول...

ألف مبروك الاخبار الحلوة.

admelmasry يقول...

اكيد اكيد دا زيادة محترمة لمجتمع التدوين

تحياتي
ادم المصري

Dananeer يقول...

ساميه العسوله
انا اتبسطت اوى انى شفتكم
دى اول حفله ليا و مش الاخيره ان شاء الله

بجد كنتم هايلين

المهم مبروك على الحاجات الكتير
و عرفينا مواعيد حفلاتكم

hesterua يقول...

خبر جمييييل قوى يا سامية شكرا عليه
انتى عارفة انا بحب كلام امين حداد قد ايه , يالله عاوزين اجمل واجمل بقه

Unknown يقول...
أزال المؤلف هذا التعليق.
Hope يقول...

great words & nice voice :)
thank u

shimaa يقول...

congratulations....w blnsba le words ahmed 7dad fa bgd 3bkrya w tre2t 2lka2oh kman 3bkrya ..w voice 2ya 7meda hady 2wii ..ento koloko fananeen bgd w ana bgd mo3gba bekom gdn

غير معرف يقول...

مش غريب ابدآ يطلع كل الجمال ده منك وان كان يستحق تفعيل اكتر من كدة بكتير.علًى صوتك ضد القبح والزيف ربنا يقويكى

غير معرف يقول...

عرب جروب ألبوم جنات الجديد أغنية تامر حسنى الجديده فيلم أحمد السقا ابراهيم الابيض مقلب دوت كوم مع أشرف عبد الباقى
Crank 2 High Voltage 2009

المفتش كورمبو مين الى سرق الجبنه مع المفتش كرومبو الحلقه الجديده
 بث
مباشر لإذاعة راديو محطة مصر مع أسامه منير - راديو محطة مصر
 قضية
هبه بنت ليلى غفران - إحالة أوراق قاتل هبة ونادين للمفتي

غير معرف يقول...

صديقى


مرحبا بصديقى العزير
فى الحقيقه انبهرت بمدونتك جدا
واعجبنى تصميمها البسيط
ثانيا من كامل سعادتى ان وافقت على تبادل روابط بينى وبينك
فى المدونات
اختار اى مدونه من المدونات التاليه
شكرا لك يا غالى

موقع الزمالك




موقع اخبار الكورة المصرية,الاوربية,العالمية,الاهلى



موقع تعليم الفوركس للمبتدئين اون لاين

موقع شباب بيك

موقع جوجو الشامل

موقع النادى الاسماعيلى ,اخبار الاسماعيلى

موقع الاهلى المصرى 101
بمنتظرك تعلييق فى المدونه
لك كامل الشكر يا مان

اوكش