هل لأنني مغرمة بلغة المشاعر التي تتخطى الحروف وتتفوق عليها، أعجز دائماً عن وصف من أحب؟ أم أنني أحب هؤلاء الذين يعبرون عني وعن أنفسهم بغير لغة الكلام؟ هذه المرة، لن أحاول استخدام الكلمات لوصف ما جهد الجسد لينقله بغير حروف. إنه فن الإيماء.. لعب وجد وهزل يحمل في طياته حالة إنسانية مفرطة. إنها خلود ناصر من لبنان: صديقة صدفة رتبها قدر لم أكن أؤمن به. أخت تأكدت بمعرفتها أننا عرب وأننا أهل بيت واحد.
أنصحكم من كل قلبي أن تشاهدوا هذا العرض. للأسف لن يعرض في القاهرة هذه المرة. (هنيالكم يا أهل اسكندرية! قعدتوا تقروا علينا ان كل العروض بتتعمل عندنا، أديكو خدتو الزغلول الكبير! :)
"سكويك" عرض إيمائي منفرد لخلود ناصر، إعداداً وتمثيلاً وإخراجاً.
المكان: مركز الجزويت الثقافي، الاسكندرية
الزمان: الجمعة 1 ديسمبر في تمام الساعة الثامنة مساءً
ومرة كمان في مركز الجزويت بالمنيا يوم الإثنين 4 ديسمبر الساعة السابعة مساءً
هناك ١١ تعليقًا:
لسامبة و من يهمه الأمر
أتمنى رأيكم بشعري، (بالانكليزية)
هنا
http://ibnbintjbeil.blogspot.com/
فيـــــــــــــــــــــــــــــــــــــــــــــــــــــــــــــــــــــن
وانتى مش هنشوفك قريب ولا ايه ؟؟؟
الحفلة كانت جميلة جداً يا سامية
خلود ناصر تحفة تحفة بجد
انا هحاول احضر الحفله دى مخصوص فى المنيا باذن الله
ربنا يسهل يا جيرو
:))
ماشي الطريق: هي تحفة فعلا.. ما يتقالش عليها غير كده. سعيدة إنك قدرت تيجي
أحمد: جيت؟
:)
أنا لسه راجعة من الرحلة الطويلة.. لبنان ثم الاسكندرية ثم المنيا ولسه مش عارفة اكتب.. الشحنة جامدة قوي ومحتاجة شوية وقت عشان الواحد يقدر يستوعبها. قريب ان شاء الله حاحكيلكم عن دهشة "سكويك".. وقال إيه الواحد كان فاكر انه عارف إيه هو المايم!
شكرًا يا أحلى سمسمة على كل لحظة حلوة عشتا معكن... إنتَ الملاك الحارس تبع سكويك بمصر
خلود :-))))))
تخيلي ..أن أنا بحب المسرح أكتر من السينما
يمكن عشان لما العرض بيقي حلو والممثلين منورين وملينين بالطاقة بحس أن الطاقة دي بتخش قلبي أنا
وعشان كده أنا بحب المسرح في كل أشكاله من الكلاسيك ولحد جلسات الحكي والبرفورمنس أرت
لكن موضوع مسرح الجسد اللي بتقولي عليه وليد عوني قدر وبجدارة يكرهني فيه هو وكل النسخ المستنسخة منه
مسرح مميت بيسحب طاقة من الروح
أنا معرفش صديقتك لكن أنا بتكلم عن موضوع النوع ده من المسرح من الأساس
انا بقالى زمان مش متابع المدونات عامة يمكن علشان النت عندى كان فى الشغل بس .... لكن دلوقتى بقى فى البيت
حقيقي محاولاتك من اجمل المحاولات اللى بحب اقراها لانها بتعوضنى عن انقطاعى عن العالم المصرى والحياة المصرية بوجه عام لانى للاسف اعتزلت قراءة الجرائد والمجلات والتليفزيون وبحب احييكي على هذه المدونة الرااااااااااااائعة
اه صحيح كل مدونة انتى طيبة تقريبا بيمر سنتين علي المدنة مش كدة برضه ((الارشيف بتاعك من 12/2004)
يا خلود: مصر ضلمة ومطر وبرد من غيرك! كنتي منورانا والله
أمل: ما اعتقدش اننا بنتكلم على نفس نوع المسرح. لكنا أنا فاهمة قصدك كويس.. للأسف احنا كل فكرتنا عن الإيماء إنه حركات عبيطة ومملة وده لإننا أصلاً ما عندناش صناع إيماء محترفين في مصر وغالباً في الوطن العربي كله. أؤكدلك ان عرض سكويك بعيد كل البعد عن أي تخيل مسبق عندك عن الإيماء.. ده مسرح بسيط وبالغ الصعوبة في نفس الوقت. قد يبدو الإيماء ساذجاً طفولياً من بعيد، لكني أؤكدلك أن هذا العرض بالرغم من بساطته وخفة ظله إلا إنه بالغ العمق والإنسانية لدرجة أنه ممكن يبكيك أحياناً. ان شاء الله قريباً أكتب عنه المزيد.. بس فعلا الوقت مش في صفي خالص اليومين دول. أشكرك على مرورك
brokenheart:
وانت طيب يا فندم :) تصدق ما كنتش واخدة بالي خالص. أهلاً وسهلاً بيك وأرجو نفضل دايماً عند حسن الظن
:))
يبدو انك عاشقه للبنان
انا بردو بحب البلد دي جداااا وربنا يوفقها ويعديها من المحنه الي هي فيها دلوات
بس فعلا العروض زي عرض خلود ناصر فيها فن عالي يعني مش اي حد بفهمه
لازم تكو مشاعره حساسه
http://nightlyhartalh.blogspot.com/
إرسال تعليق