22 ديسمبر 2005

اللهم بلَّغت، اللهم فاشهد

للي عايز يعرف اللي ما عرفتش أقوله عن حازم شاهين، فيه حفلة موسيقية غنائية بقيادته في ساقية الصاوي يوم
السبت 24 ديسمبر في تمام الساعة الثامنة

هناك 7 تعليقات:

Geronimo يقول...

سامية انا رحت حفلة بهاء جاهين النهاردة وشفتك كنتي منورة والله وكان نفسي اجي اسلم عليكي بس انكسفت قوى عموما انتى احلى من الصورة كتير واخراجك للعرض كان ممتاز وسلمي على اية حميدة وسلمي وقولى لهم انهم كانوا يجننوا ولحن اغنية قولى الوادع بتاع عمر كان بجد يخبل صوابع حازم على العود كانت كأنها اوركسترا كاملة
والحاج بهاء ده بقة اسطورة وهو بالدقن شبه بابا صلاح الله يرحمه قوى ربنا يحميكم كلكم ويسعدكم زي ما بتسعدونا

أبوشنب يقول...

طيب لسه مفيش أي رد علينا

ولا عشان احنا غلابة يعني

ولسه بنحب نخربش في الورق

بسن القلم

لما تجيب دم الحروف

وينزف العشق من تجاويف

قلبي

المتبعتر على وشوش الخلق

ابتسامة

وتكشيرة

tlafif.blogspot.com

سامية يقول...

جيرونيمو العزيزة: تصدقي بقى زعلتيني! ليه بس ما عرفتنيش على نفسك والله كنت ح ابقى سعيدة جدا. ويا ستي أنا ما أخرجتش حاجة ده بهاء بس بيبالغ. إحنا كلنا اشتغلنا مع بعض على إعداد النص وظبط الأداء وتداخل الموسيقى مع الشعر وكده يعني
أرجوكِ لو جيتي النهاردة حفلة حازم يا ريت نتعرف على بعض

يا سيدي الفاضل أبو شنب: رد على إيه بالضبط؟ أنا مش فاهمة هو حضرتك سألت سؤال وانا ما جاوبتش عليه؟ وبعدين أنا دخلت البلوج بتاعك وأعجبت بالقصص جدا وعلقت لك هناك

hesterua يقول...

والله انا لغاية اخر لحظة كنت رايح
بس الظروف بقى
بس انا متأكد انها كانت امسية روعة
بعنصرها الجميلة اللى حبيتهم
حتى حازم اللى مسمعتوش بس اكيد من نفس المدرسة اللى بحبها والوتر اللى بيلمسنى بسرعة
و يا رب التوفيق للجميع
وسلامى لسلمى قوى

el.koptan يقول...

ياريتنى كنت معاهم

Lasto-adri *Blue* يقول...

يارتنى أقدر اروح الحاجات دى.. بس تقولى ايه للى مش معترفين انى ممكن أتم 21 سنة كمان كام يوم.. القصد بقى..
مسيرى ف يوم أرفرف برة الصور وأروح معاكو هناك

فياسمية لو مش ح تقل عليكى يعنى.. ممكن تحطى أى جزأ لحازم اسمعه ونبى..
أو حتى لو له موقع.. أى حاجة.. خلينا نجرب

ع العموم.. كل سنة وانت طيبة ودايما منورة

سامية يقول...

منوراني يا لست أدري.. أنا آسفة ع التأخير في الرد. للأسف لسه ماعنديش أي تسجيلات عدلة لحازم .. كل اللي عندي حاجات صغيرة في قعدات كده.. المفروض ان مهندس الصوت سجل الحفلة وهم وعدوني أول ما ياخدوا التسجيل ح يعملولنا نسخة.. ساعتها ان شاء الله ح ابقى احطلكم منها شوية

ياللا بقى تمي واحد وعشرين سنة بسرعة عشان الحفلات دي لما بتتشاف على الحقيقة غير التسجيلات خالص

يا قبطان.. الجايات أكتر ان شاء الله. أهلا وسهلا بيك