١٤ أغسطس ٢٠٠٧

بمناسبة عيد الانتصار

بهرتني حدوتة الشاطر حسن، البطل الجنايني اللي إيده قوية على العدوين وحنينة على أهله وعلى أرضه. كتب فؤاد حداد مع متولي عبد اللطيف هذه الحدوتة المستلهمة من التراث الشعبي منذ أكثر من اربعين عام. يا ريته كان عايش النهارده عشان يشوف بعينه السيد حسن نصر الله - الشاطر حسن - وهو بيكسف الجبابرة بأخلاقه وذكاءه وحنيته.

في الحدوتة الناس بتستقبل الشاطر حسن بعد المعركة بالأغنية التالية. إسمح لي يا سماحة السيد أن أهديها لكم وكلي فخر واعتزاز بالنصر الذي أهديتموه لنا عندما قلتم في خطابكم "شارك في هذا النصر كل عربي وكل مسلم وكل شريف في هذا العالم ممن أيدوا المقاومة ووقفوا إلى جانبها."
كل نصر وأنتم بخير يا سماحة السيد. كل عام والمقاومة ضد الظلم والفساد والأمركة في العالم العربي بألف خير.

ولمقاومينا وشهدائنا وعائلاتهم وأصدقائهم أطيب التحيات وأصدق الدعوات.

حسن شاطر حسن خيّال
بعود فارع وقلب عيال
وسيف في يمينه بيلالي
مراية قصر في المقيال
ومهره يزينها وتزينه
على جبينها وعلى جبينه
هلال وهلال
يعينها زي ما تعينه
وإخلاصهم مالهش مثال
حسن شاطر

لجام المهره على الغارب
حسن لف وحسن حارب
ونورهم في السما ضارب
هلال وهلال
وأنا عطشان ومش شارب
لحد ما أبشر الأجيال
حسن شاطر


وكانت مهره جنيه
وكانوا ملوك جناينيه
ومن رقصة لأغنيه
هلال وهلال
لمحها الطير وقال هيه
وحط الانسانية وشال
حسن شاطر

رقصنا الليل وغنينا
وفوق الخيل ما ونّينا
حسن والمهره في عينينا
هلال وهلال
وست الحسن في جنينه
بتسقي الورد بالموال
حسن شاطر

هناك ١٢ تعليقًا:

Mohamed Meligy يقول...

Yaaah,
Alf Welcome back to blogging ya ostaza :) ;)

جوستيـن يقول...

welcome back

كتابة يقول...

سامية

بحترمك جدا و بقدرك

لكن كفايانا كراهية بأمريكا نصفق لناس مابيستحقوش جدا

طبعا أنا ضد امريكا وهيمنتها
لكن انا لما بكون ضد فكرة بطبق مبدأ الفكرة على الجميع

السيد مش جميل في الواقع اللبناني
ربما الشيعة و مش كلهم بيتبعوه
لكن اللي عمله بلبنان من تفرقة واضح جدا
الكثير من اللبنانيين بيقولوا عنه أشياء نفس فكرة الهيمنة و التفرقة المذهبية و كمان الإنصياع لدول ثانية فيسبيل مقاومة مش حقيقية خاصة بعد إنتهاء الحرب الأهلية هو بيصنع دولة بداخل دولة و ده غلط من أي شخص يرفع مصالحة و مصالح دول تانية فوق دولته ووحدتها
ده الكلام مش للسيد و اصحاب 8 آذار
و لكن حتى بالنسبة لأصحاب الحريري و 14 آذار
حرام عليكو اللي بتعملوه بلبنان الروعة و الحرية

وشكرا يا سامية و أتمنى أن إختلافنا مبحرقش فعل الحوار و الود

alzaher يقول...

عزيزتي سامية
i have strted a new blog in english
please read it and tell me what do you think of it
http://meansnecessary.blogspot.com
yours
amr

Ibn Bint Jbeil يقول...

ما شاء الله
الله يحميكم ويحمي كل الأوفياء والأحرار
وعلى قبال الف نصر وتحرير بكل بقعة من أوطاننا
من لبنان الى فلسطين مروراً بمصر والأردن وكل بلداننا

سامية جاهين يقول...

نوّرت المدونة يا أبا وعد
:))
كل نصر وانت بخير. ربنا ما يحرمنا من كرامتنا أبدا.
أرجو انك تبلغ تحياتي وتهاني للأسرتك
الجميلة وتقول لهم
"مصر لسه بخير!"
:)

Ibn Bint Jbeil يقول...

hello! Samian, or any Egyptians out there, i need your help! please go to my blog... to the 26th August post..

Aladdin يقول...

أحييك على اختيارك، وكل انتصار وانتي طيبة!

جميله بو حريد يقول...
أزال أحد مشرفي المدونة هذا التعليق.
صخر الهوارى يقول...

أزيك يا سمسمه ياترى مفيش حاجه جديده ليه يارب يكون المانع خير
طبعا احنا منعرفش بعض لكن يشرفنى
صخر الهوارى لى مدونات وانتى السبب انى اعمل مدونه
احلامنه المصريه
عاوزين الكوبرى
صحتنا اهم

غير معرف يقول...

الحكايه ان الدستور البنانى دستور فاشل وعدى عليه الزمن و فى الاصل اللى عامله قاصد يشعل فتيل الحرب الاهليه على طول الزمن بحجه تمثيل الاقليات وكل الفاءات فى المجلس اللبنانى يعنى توزيع السلطه على اساس الانتماءات الخارجيه الداعمه لكل طرف و مفيش حد منهم مصلحته لبنان فقط انما لبنان واولى الامرر من الخارج زى فرنسا وانجلترا ومصر وسوريا وايران والسعوديه طبعا امريكا واسرائيل

بالرغم من ان اى بلد فى العالم به بشر من مختلف الجنسيات والعقائد كاالولايات المتحده مثلا ولا تجد اى حد يتكلم عن اى شى سوى ان الجنسيه الامريكيه فقط والاصل او العرق او الدين موضوع شخصى
و علشان عارفين ان التحريض على الخلاف العرقى والدينى ناجح وبامتياز فى انهيار اى دوله تم تطبيقه على العراق و طبعا بتأييد المجتمع الدولى اللى يهمه خراب كل الدول العربيه واحنا جايين فى السكه بفضل اللصوص الجاثمين على قمم الحكم فى اغلب الدول العربيه
وبينفذو الاجنده الغربيه بامتياز

حمد الله على السلامه تانى ياسمسمه
صخر الهوارى

غير معرف يقول...

دردشة شات بنت مصر ، دردشة مصرية - مجتمع مصري ترفيهي للمرأة المصرية
بنت مصر
شات بنت مصر
دردشة بنت مصر
دردشة
شات مصري
شات مصرى
بنت مصر
بنات مصر
دردشه مصريه
شات بنات مصر
دردشة مصرية
دردشة بنات مصر
شات مصر
دليل بنت مصر
العاب بنت مصر
يوتيوب بنت مصر
جوال بنت مصر
توبيكات بنت مصر
مطبخ بنت مصر
الازياء والموضة بنت مصر
صور الماسنجر بنت مصر
شات بنت مصر