22 ديسمبر 2004

إتنين


اتنيـــن و لا قبلنـــا
ولا بعــد منــا اتنيـن
فيـن زى حـبـى أنـا
وزى حـــبك فـيــن
اتـنـين ولا قبــلــنا
ولا بــعد منــا اتنـين

اتنـين روحيـن هيمانين
قلبـيـن وشقــايــق
تفـوت علـينـا السنين
و كـأنـهـا دقــايـق
لايـق عليـنـا الـهنـا
و كـأنـه تـوب عـايق
ولا فى القصـص و الغنا
فيـه زينـا حبـيبيــن
اتـنـين ولا قبـلنـــا
ولا بعــد منــا اتـنين

قـالوا ما فيـش الهـوى
لكن احنـا قـلنا: فـيـه
يا نـاس شوفـونـا سـوا
راح تعـــرفوا معـانـيه
الـحـب ده ســرنـــا
لــكن ولا نـخبـيـــه
أهــه أهــه حبنـــا
لا نخــاف حسد ولا عين

اتنيـــن و لا قبلنـــا
ولا بعــد منــا اتنيـن
_________________
صلاح جاهين

هناك 3 تعليقات:

Hamuksha يقول...

يا حب حاسب
ده فيه هنا
روزا ولد
وروزا بنت

سامية يقول...

شكراعلى رقتك :)

ramses1 يقول...

very beautiful and simple, shokran!