١٢ سبتمبر ٢٠٠٧

في كل خطوة نقول: بلادي جميلة!

بلادي جميلةالمرة دي ما ينفعش احط الإعلان كده وخلاص من غير ما احكيلكم عن العرض ده. حكايتنا مع كورال الصعيد قديمة. من أول مرة استضافونا في المنيا وشفناهم بيغنوا واحنا مندوهين.

كورال الصعيد مشروع من مشاريع جمعية الصعيد للتربية والتنمية بدأته راهبة جميلة في مدرسة في قرية من قرى المنيا. كانت بتعلم الولاد يغنوا سيد درويش وأغاني الفلكلور.. وبعدين "سير سيليست" قررت توسع الدايرة. زاد عدد المدارس وزاد عدد القرى وبقوا بيختاروا أحسن الأصوات من الأطفال ويضموهم للكورال العام. وفضل الكورال على مدى عدة سنوات يقدم أغاني وأوبريتات جميلة. عملوا أوبريت من أغاني الفلكلور إسمه "سوق الحواديت" يتكون من أغاني الفلكلور اللي جمعوها الولاد بنفسهم من أهاليهم. وعملوا أوبريت مع وجيه عزيز إسمه "الفن ساس" غنوا فيه أغاني من أشعار فؤاد حداد. وعملوا حفلات كتيرة غنوا فيها الليلة الكبيرة...

المرة دي بقى الموضوع مختلف شوية. قررنا نجرب نخلي الولاد يقولوا معانا شعر. أمين حداد تحمس جدا للفكرة وقعدنا نعمل ورش عمل مع الولاد ونختارلهم قصائد يلقوها. ونتاج الورش دي هو أمسية شعرية غنائية بعنوان "بلادي جميلة". حازم شاهين درّب الولاد على أغاني سيد درويش وأمين حداد عمل إعداد جميل لأمسية من أشعار فؤاد حداد وصلاح جاهين.

أنا بقالي كتير قوي ما فرحتش كده وما اتحمّستش كده. زي ما اكون كنت ناسية والولاد دول فكّروني إن فعلا "بلادي جميلة".

الأمسية حتتعرض في المسارح والمواعيد الآتية:
18/9 - جزويت المنيا
21/9 - مسرح الجنينة بحديقة الأزهر - الساعة 9 مساء
5/10 - المجلس الثقافي البريطاني

واحتمال يكون فيه حفلات تانية خلال رمضان بس لسه مواعيدها ما اتأكدتش

هناك ٢٦ تعليقًا:

غير معرف يقول...

شكرا لاهتمامك وتحياتنا للاستاذ امين حداد-واسرتكم الكريمة
الفيل-النت بتتكلم عربى

السهروردى يقول...

طبعا حتبقى أمسيات رائعة دون أدنى شك
إذا كانت اللى بتدربهم أعظم وأجدع معلمة إلقاء فى مصر
يا سامية مش أنا تلميذك النجيب ؟؟

Sara Swidan يقول...

لأ وحياتك تتأكدي ... شوفي اذا كانوا حيقدموا ف اسكندرية ولا ايه!!!
اكيد حيبقى عرض فعلاً جميل

amryoussef يقول...

ربنا المسهل. وفعلا لو علي السهروردي فهو تلميذ نجيب أحسنتي في تدريبه

alzaher يقول...

إن شاء الله أحاول أحضر يا سامية على الأقل في بتاعة المجلس البريطاني
وفعلا بلادي جميلة ، بيكم وبأمثالك إنتي وحازم وهمو أمين
:)

سامية جاهين يقول...

يا عم حسين مين معلمة إلقاء دي! إذا كنت انا نفسي لسه باتعلم! وبعدين أي حد بيحس بالكلام اللي بيقوله بيطلع جميل. عشان كده انت بتقول شعر حلو... مش عشان حد علمك

سارة: للأسف مفيش حفلة في اسكندرية. إحنا كان نفسنا جدا نروح بس للأسف لم يتم الاتفاق على حفلة بسبب مشاكل إدارية في الجزيوت. الله يرحمك يا فرير فايز

يا عمرو: منور المدونة :)

عمرو حسين: شكرا يا عمرو ده من ذوقك. لما تشوف الولاد بتوع الكورال حتلاقي بلادي أجمل وأجمل
:)))

هيثم محفوظ يقول...

فضلتى فترة طويلة على ما كتبتى مواضيع جديدة من ايام تيجى نلعب
على العموم هحاول اكون موجود فى حفلة من دول
متغبيش كده تانى

غير معرف يقول...

الحفلة اللي كانت في حديقة الأزهر كانت بجد حلوة جداً.
بقالي كتير أوي ماستمتعتش بالنشيد الوطني بالشكل ده. و بجد الكورال كان هايل. حاحاول آجي حفلة المركز البريطاني.
:-)

بلال حســــنى يقول...

انابحييكى على انك شايفه البلد جميله
لانى بشوفها خرابخ تشكيليه للرسام بينحت عشان ياكل عيش
والناس فى الشوراع مع لون الاسفلت وصوت الكلاكسات وتعبيراتهم المخنوقه شيء بجد ميبنش اننا جمال خالص

طبعا اكيد العمل ال قمتم بيه جايز يكون رائع فنيا انا بس بسجل اعتراضي على العنوان
بلادى جميله
يا خبر
تعصب وذكوريه وذل وقرف
دى معرفتى عن البلدى دى

سامية جاهين يقول...

عشان كده لو كنت شفت العرض يمكن كنت تلاقي في البلد حاجة غير التعصب والذكورية والذل والقرف.

بلادي مش بس جميلة، دي جميلة جدا

غير معرف يقول...

حضرت الحفلات الثلاثة يا سمسومة في حديقة الأزهر وبيت الهراوي والمجلس الثقافي البريطاني لكن بصراحة أحلاهم كانت فعلا في حديقة الأزهر: الحماس منكم ومن الجمهور والمسرح المليان على آخره والجو كله كان رائع وباضم صوتي لصوت موشا بالنسبة لاستمتاعي بالنشيد الوطني وأغنية بلادي بلادي كانت جميلة قوي قوي يومها وإحساس الناس كلهم كان عالي جدا

Ahmed Al-Sabbagh يقول...

تمت أضافة مدونتك لدليل الصباغ للمدونات

===============================

شاركنا الشعب الأمريكى أحزانه على ضحاياه فى ذكريات سبتمبر/أيلول الأليمة

لكن دعونا نُذّكر العالم بالجرائم الأمريكية التى أرتكبتها الولايات المتحدة ضد أبرياء وأطفال ومدنين

شارك وأدعم فكرة تخصيص يوم 30 أكتوبر يوما للجرائم الأمريكية


أحمد الصباغ

akeed يقول...

المدونة رائعة جداً دية اول زيارة والبوست جميل
تحياتى

أكيــــــــــــــــــد

داليا محمد يقول...

ياريت الدنيا تنضف بقى ويبقى كلها شعر وغنى له معنى انا زهئت اوى من الصخب اللى احنا عايشين فيه بلا عمق ولا معنى على رأى بيرم يااهل المغنى دمغنا وجعنا دقيقه سكوت لله
تقبلى خالص تحياتى ياساميه ياام صوت جميل انتى

غادة يقول...

هتبقى اكيد امسيات سلطنه واكيد بلادى جميله بناسها الكويسين
بس يا ترى هتقدروا تلفوا المحافظات ولا لأ عشان مش كلنا هنعرف نيجى
و انا بحييكى يا ساميه

غير معرف يقول...

عزيزتى المدونة ذات القلم الرشيق
دعوة منى لزيارة مدونتى
http://www.e7na-ma3ak.blogspot.com/

و http://www.lovers-notes.blogspot.com/

عاشقة الحواديت يقول...

بداية موفقه ان شاء الله

Ibn Bint Jbeil يقول...

Sad condolences for the death of our beloved Darwish

غير معرف يقول...

يا أ/ ساميه انا محمد جمال
اللى فى الكورال انا بسلم عليكم كلكم تبعتيلى رقم التليفون على الأميل ده hamada_gamal2006وانت مشكور جدا
انا من المنيا سلام

غير معرف يقول...

يا أ/ ساميه انا محمد جمال اللى فى الكورال فكرانى ولا لسه انا من ابوقرقاص البلد انا بسلم عليكم كلكم وسلميلى على أ/ امين حداد وانا مشكور جدا لو انتم مفتكرنى سلام وهستنى الرد على اللأميل بتاعى hamada_gamal2006
ده اميلى على الياهووووووووو

مُحَمَد أُسـَامَه يقول...

رغم كلاسيكية العنوان .. إلا إني هتنازل و اتابع المشروع ده .. و باكتراث غير قليل


حتحوت عاوز بعض الفلوس

عماد يقول...

ممكن أعمل إعلان عندك لو تكرمتى

أمينه و ساره , سامحونا

http://somethingforthesoul.blogspot.com/2009/01/blog-post.html

toty froty يقول...

بالفع بلادى جميلة طالما الناس فيها جمال .
مشكورة اختى>
fatma-ah.blogspot.com

Tadwina يقول...

مرحباً / سامية
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/1266
يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع ونرجو منك مراسلتنا للأهمية على الايميل
Tadwina@gmail.com.
لوضع البانر الخاص بنا على الصفحة الرئيسية لمدونتك حتي يستطيع قراءنا في مصر والوطن العربي من متابعة تدويناتك المستحدثة

و لكم جزيل الشكر،

فريق عمل تدوينة دوت كوم.
http://www.tadwina.com

affiliate_vip يقول...

wonderful blog

make money on the internet at

www.theway2profits.blogspit.com

غير معرف يقول...

دردشة شات بنت مصر ، دردشة مصرية - مجتمع مصري ترفيهي للمرأة المصرية
بنت مصر
شات بنت مصر
دردشة بنت مصر
دردشة
شات مصري
شات مصرى
بنت مصر
بنات مصر
دردشه مصريه
شات بنات مصر
دردشة مصرية
دردشة بنات مصر
شات مصر
دليل بنت مصر
العاب بنت مصر
يوتيوب بنت مصر
جوال بنت مصر
توبيكات بنت مصر
مطبخ بنت مصر
الازياء والموضة بنت مصر
صور الماسنجر بنت مصر
شات بنت مصر