٢٧ سبتمبر ٢٠٠٥

مختارات من مربعات ابن عروس من الشعر الشعبي

أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى

طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق

فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي

سكت الهَوى والناموس طار
والسبع طاطا بعينه
خليه دا النومِ أستار *
لما الكلب ياخد يومينه

شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب

يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة

جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية

كلام الغَرَابا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي

إوعى تقول للندل يا عم
ولوكان على السرج راكب
ولا حد خالي من الهم
حتى قلوع المراكب

ولابد من يوم محتوم
تترد فيه المظالم
أبيض على كل مظلوم
أسوَد على كل ظالم

غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها "الوِرانا"؟*

أستار: ستائر
الورانا: جمع "ورل" – حيوان صحراوي يشبه التمساح
إضافة:
خشب المراكب من السنط
في البحر ياخد مهاجه
واجب ع الحر يلزم الصمت
لَمَا الهِلف ياخد مهاجه

هناك ٨ تعليقات:

R يقول...

ممكن بالمرّة تفسير المفردات التالية:

ـ "انتهت عَدَليه"
ـ "يُطلُب عدليه"
ـ "إخ منَّاه"
ـ "بالاشتراحة"

وشكراً

سامية جاهين يقول...

انتهت عَدَليه: انتهى عَدْلُه، أو اعتداله وانقلب وتغير

يطلب عدليه: يأخذ وضعه الذي اعتاد عليه

إخ مناه: "إخ" قد تكون بمعنى "يع" أو "إخيه" وقد تكون بمعنى "آخ" للتأوه، و"مناه" بمعنى منه

ولا تكلمه بالاشتراحة: بمعنى لا تفتح له قلبك

(مصدر التعريف الأول والثاني والأخير من كتاب السيرة الهلالية - جمع وشرح عبد الرحمن الأبنودي)

سامية جاهين يقول...

يسعدني أن الأبيات أعجبتك يا رؤية... ربما أنشر المزيد منها لاحقا

:) نورتي المدونة

admelmasry يقول...

اشكرك يا ست سامية يا ام الجدعان .. واحب واقولك ان كل الرباعيات دي من تراثنا الشعبي وكلها مكتوبه في السيرة الهلالية اللي جمعها الابنودي من لسان الشعراء

كان فية طلب خصوصي علي جنب احب اقولهولك في الخاص فاحب لو اعرف ايميلك
ايميلي هو
ara_eng_prof@yahoo.com

adhm يقول...

فى البحر لم فتكم
فى البر فتونى
وبالتبر لم بعتكم
بالتبن بعتونى
انا كنت وردة البستان
انتوا لية قطفتونى


اى خدمة

Unknown يقول...

تلات بنات كلمونى
عزولى اح قال لأبوهم
ليهم نهود كاللمونى
يا بخت من قلبوهم

سعدت بهذه التدوينة
وانا عندى مدونة كاملة عن هذا الموضوع
اسمها صعيدى شحط محط
تهتم بفن الواو
المزبع
وآخز حاجة عن ابن عروس
زوررينى

eng mohamed يقول...

السلام عليكم ورحمة الله وبركاته
مرربعات ابن عروس تعتبر في مجمالها وليس كلها من الحكم التي صاغها والتي تنبع من تجاربها عبر زمانه وان كانت شخصيته مبهمه لنا حد هذه اللحظه وتحوم الشكوك حول وجودها الا ان مربعاته هذه لاتزال متوارثه الى يومنا هذا وهناك ما ادخل عليها من تعديلات حتى تستخدم كاغاني وهناك ايضا ما بني على وزنها ونسب اليها عبر الزمن
وماورد هنا يعد من اشهر ابياته او مربعاته والتي احب ان اضيف عليها اشهرها

يا بت جميلك هبشني
والهبشة جت في العباية
رمان صدرك دوشني
وخلى فطوري عشاية

**************
مسكين من يطبخ الفـاس

ويريد مـرق من حـديده

مسكين من يعاشر النـاس

ويـريـد من لا يـريـده
*************

كيد النسا يشبـه الكى

من مكرهم عدت هارب

يتحزمـو بالحنـش حى

ويتعصبـو بالـعقـارب

*************
الليـل مـا هـو قصير

إلا على اللى يـنامـه

والشخـص مادام فقير

ما حد يسمـع كلامه
**************

عامر محمود يقول...

ابن عروس شاعر له تاريخ
وكل الفنانين الشعبيين الان يغنون كلماته
الدشناوي والاسناوي ورجب السوهاجي
بس للاسف يغننون ولايعرفون لمن يغنون
وللاسف الشديد لايغنون القصائد بصحيحها ولكن يقطعون ويركبون
بست كوبى
ومش عارفين هما بيعملوا ايه
http://amermahmmoud.maktoobblog.com
عامر محمود